The Luxe Seafood Bar & Resto (已結業)

今晚我们去咗The Luxe Seafood Bar & Resto喺朗豪坊店食自助晚餐！他们主打嘅生蚝系我们嘅至爱，所以我们第一时间攞咗嚟食，一食第一只我就有好大嘅满足感同觉得物超所值，因为真系非常新鲜肥美同非常肉厚！平日嘅我食生蚝一定要加海鲜酱！但今日我尝试唔加海鲜酱，味道更加鲜甜！其他嘅海鲜有虾、海螺同青口，虾嘅肉质好新鲜同弹牙！海螺几爽口！刺身有三文鱼同甜虾，甜虾系原只要自己去壳，味道非常鲜甜！而熟食嘅有厨师即叫即整嘅奄列，奄列嘅蛋好厚身好滑，入面包住火腿同洋葱，煎香咗洋葱令到奄列更加香甜！烧牛肉烧得啱啱好，肉质好鲜嫩，而且牛肉味好浓郁！南瓜汤好香浓！芒果糯米饭嘅黑糯米好烟韧！三款生果菠萝、蜜瓜同西瓜都好甜！总括嚟讲虽然食物嘅款式唔系太多，但食物嘅质素可以比美大酒店嘅水准！特别系生蚝，系本人嘅必食推介！