清真牛肉館 (龍崗道) (已結業)

几年前试过清真牛肉馆嘅蕃茄冻觉得超好食， 今日同朋友经过九龙城，谂住再入嚟试试，点知真系大失所望，揾匀整个餐牌都唔见有蕃茄冻，而我朋友亦都未食过，之后问侍应姐姐，而姐姐嘅反应好大，话从来都冇做过什么番茄冻，搞到我朋友都笑我，以为我系记错咗第二间餐厅，之后我就上网揾资料发现原来呢间清真牛肉馆已经有好几年冇做番茄冻，真心唔明点解侍应姐姐要咁嘅反应搞到我俾朋友误会。心情已经有啲唔好，之后叫了一个下午茶餐~牛肉饼加牛腩汤，另外朋友话想试嫩鸡煨面，就系散叫嘅。再加一杯豆浆，坦白讲~牛肉饼质素没有下滑，保持水准，是不错的选择。但系牛腩汤是第一次试，真心唔好食，嫩鸡煨面的汤俾我们感觉是落了很多花奶才令佢变成白色，同埋好重奶味。题外话，豆浆迟迟未到，所以催促侍应姐姐叫佢俾杯豆浆我，点知侍应姐姐走去大声同收银讲加多一杯豆浆㖞，但是从头到尾只来了一杯。最后收银结帐时，真的收我两杯钱，我当然即时澄清，收银有显得有点深深不忿，不停碎碎念。食物水平比较参差，招牌菜是出色但其他都一般般，服务就真系不敢恭维，应该没有下一次了