豬手工房

营业中

休息中

啲人成日隐世美食、隐世餐厅、隐世乜、隐世物咁去介绍，最后真系挑一声，旺市大街兼大排长龙，隐乜鬼。呢间猪手工房就真系隐喇，所在嘅工厦唔单止大厦正门唔易揾，上到楼连餐厅嘅大门都相当神秘，唔打醒十二分精神真系留意唔到间餐厅入口，有刻甚至以为自己入咗结界。虽然难揾，但入到去都几多食客，尤其带埋狗狗坐室外区域嘅食客，相信都系同区附近街坊先会识路嚟帮衬。话晒猪手工房，招牌脆爆咸猪手梗系要试试佢啦，话晒望下四周，几乎枱枱都叫，应该系信心保证。事实亦如此，餐厅唔怕开错位，最怕改错名，但呢间无改错名，猪手皮真系脆到爆，咬落铿锵有声但又不费吹灰牙力，犀利嘅地方系啲肉质又相当软绵绵，皮脆肉嫩原来真系做得到👍🏾，而且咸香味道啱啱好，连芥茉酱都可以唔使点就已经相当惹味，难怪有啲食客连猪手骨都打包带埋走，拎返去煲汤或煲粥都一流。额外叫咗金牌蕃茄焗猪扒饭、Tiramisu Cheesecake，正正常常。