Girlboss by Master Kama (已結業)

食物虽然唔系好出色，不过嚟得呢度，主要都系感受下少女情怀，仲有同好姊妹聚下旧。餐厅名乎其实系为女士而设，环境设计、菜色摆盘，全部都好girly。餐厅有半圆形型梳化位，食物放喺三层high tea架上面，感觉好似喺秘密花园里面high tea，个气氛系几特别。我地叫左Bossy Royal Set, 有齐沙律或餐汤、前菜、主菜同主食。菜色根据menu自选，自由度都几大，真系可以话事。先上沙律，我同友人都叫左「蟹肉牛油果苹果青瓜沙律」。好钟意个salad dressings，唔系mayonnaise，又唔系黑醋，系红红地色、甜甜酸酸的，好似cranberry dressings咁。开胃健康之余又无咁闷。前菜我地叫左「龙虾芝士玉子烧」同「Girl’s 分享盘」。前者普通，唔够芝士味。分享盘有饺子、鸡肉串、Shake shake炸薯条、炸芝士等。系丰富嘅，咩都可以试下，但就无边款令人印象深刻。主菜海鲜拼盘好一般。至于主食「黑松露野菌扁意粉」唔够汁，意粉黏埋一旧，亦无黑松露香味，失望。反而「波尔多红酒炖牛面肉烩意大利饭」叫做有啲味道。虽然食唔到牛肉系咪真系牛面肉，但总算够入味。整体嚟讲，呢度主要