影片
更多
2017-06-18
167 浏览
本身谂住系旺角度揾好野食，点知行行下就去左油麻地，见到一间西餐厅开左系小巷，又唔洗排队，就同朋友速速入去叫野食。一见到个MENU其实都几吸引，基于我们太肚饿，所以都冇特别拣，叫左个二人餐。「喃喃自语」餐汤系南瓜汤，笔者一向都嗜南瓜，但呢个南瓜汤就冇想像中咁浓。从卖相黎睇系几令人馋涎欲滴，有小小绿色香草做陪衬，再加埋两小法包粒。但饮落我就觉得可以落多小小盐，再轻轻带多小小南瓜个味出黎，咁成个汤可以更上一层楼。「犹有余悸」头盘叫左水牛城鸡翼，MENU上头盘有好多种类拣，都算系配合唔同客人既口味，有酥炸既香口小食，亦有清淡既沙律冷盘。呢碟鸡翼炸得好脆，食落仲系卜卜声，咬开鸡肉后仲有烟散出黎，睇得出系新鲜整既。加上佢淋左个汁上面后，都冇令到个皮林哂，汁都唔算稀，岩岩好，好衬个炸皮。水牛城汁小小甜，又有中中辣味。佢个辣唔你烫口既焰，而系火灾后既余烬，当你吞左落喉咙后，辣味先会涌上黎，唔会影响你进食既快感，而又提供到辣味，感觉几特别。「米珠虾贵」因为友人唔想食意粉，所以就叫左个龙虾汁大虾意大利饭，大虾肉爽口，弹牙，虾肉唔痴壳，用叉一吉，成旧肉就可以起出黎，未食已经知系新鲜虾。意大利饭个汁有龙虾味，
一见到个MENU其实都几吸引，基于我们太肚饿，所以都冇特别拣，叫左个二人餐。
南瓜餐汤
12 浏览
0 赞好
0 留言
「喃喃自语」
餐汤系南瓜汤，笔者一向都嗜南瓜，但呢个南瓜汤就冇想像中咁浓。从卖相黎睇系几令人馋涎欲滴，有小小绿色香草做陪衬，再加埋两小法包粒。但饮落我就觉得可以落多小小盐，再轻轻带多小小南瓜个味出黎，咁成个汤可以更上一层楼。
水牛城鸡翼
21 浏览
0 赞好
0 留言
「犹有余悸」
头盘叫左水牛城鸡翼，MENU上头盘有好多种类拣，都算系配合唔同客人既口味，有酥炸既香口小食，亦有清淡既沙律冷盘。呢碟鸡翼炸得好脆，食落仲系卜卜声，咬开鸡肉后仲有烟散出黎，睇得出系新鲜整既。加上佢淋左个汁上面后，都冇令到个皮林哂，汁都唔算稀，岩岩好，好衬个炸皮。水牛城汁小小甜，又有中中辣味。佢个辣唔你烫口既焰，而系火灾后既余烬，当你吞左落喉咙后，辣味先会涌上黎，唔会影响你进食既快感，而又提供到辣味，感觉几特别。
龙虾汁大虾意大利饭
15 浏览
0 赞好
0 留言
「米珠虾贵」
因为友人唔想食意粉，所以就叫左个龙虾汁大虾意大利饭，大虾肉爽口，弹牙，虾肉唔痴壳，用叉一吉，成旧肉就可以起出黎，未食已经知系新鲜虾。意大利饭个汁有龙虾味，同时都有小小南瓜味，唔知关唔关饮过南瓜汤事。饭粒系正宗既意大利饭，唔系港式汤饭，佢中间饭粒系有小小未熟透的，食落系有嚼劲，层次明显又丰富。但可惜只有一小碟，食果阵要好好珍惜每一啖。
美国安格斯西冷牛排
14 浏览
0 赞好
0 留言
「恰到好处」
主菜系美国安格斯西冷牛排，要赞既细心位系，餐厅已主动帮你另上汁，唔会等你食果阵成旧排全部都系汁，都唔知食汁定系食肉。西冷排切落好软身，软既感觉唔系来自松肉粉，而系煎既火候，成功做到外挺内嫩，锁到肉汁系入面。我地叫左六成熟，切开时，中间部分系呈粉红色的，岩岩好，好达标。旁边有小小配菜，本来以为系普遍既意大利黑醋汁，但原来系有调配过既，除左酸味，仲有小小甜味，果阵甜系小小清新既味道，可能系加入左小小柠檬汁，或者系其他水果果汁，所以食落系几开胃的。建议先食配菜再食肉。
朱古力雪糕慕士蛋饼 提拉米苏
10 浏览
0 赞好
0 留言
「买椟还珠」
最后系甜品，叫左朱古力雪糕慕丝蛋饼，同埋提拉米苏，两件甜品都系中规中矩，如果提拉米苏可以用手指饼代替海绵蛋糕，相信个咖啡味可以更加突出，而唔洗只靠面头既谷古粉保留咖啡味。朱古力雪糕慕丝蛋饼既朱古力味唔够浓，反而咖啡味有感喧宾夺主，可能系中间既咖啡慕士不小心做了主角，如果用浓度更高既朱古力去整中间层朱古力慕士，应该可以将呢件甜品升级，为呢一餐升华。
张贴
