為食龍 (已搬遷) 新店位置

今日黎到铜锣湾行街，行到累累地就揾间野食下。比我发现左呢间餐厅。店面细细地，但系食物质素一啲都唔输蚀架。首先叫左两杯茶，呢道既绿茶系茶包黎，味道岩岩好，淡淡既绿茶甘香已经好开胃啦。之后叫左四种唔同既为食腐皮系列，其中有黑松露带子粒，黑松露味道好好，加上带子粒非常新鲜，两样合咪一齐食真系配合得好好，再黎我呢最爱紧系明太子三文鱼，大大啖食落去感觉真系一流。重有甜虾蟹子，口感好爽。最后有葱吞拿拖罗蓉，味道甜甜地，都系唔错既选择。跟住叫左两个饭团。一个系黄金鱿鱼饭团，啲鱿鱼好滑身好爽甜。而且颜色金黄，真系好好味。令一个系蟹膏饭团，真系神仙级享受，呢个配合真系超正。无得输呀。最后叫多个爆汁肥牛丼，咖哩味好香浓，啲肥牛肥瘦适中，捞埋一齐食真系好正。