火之神

营业中

休息中

旺角系人多车多既地方，好难可以揾到一处地方比你休息叹番下。最近得知女人街开左间新cafe，仲有得玩猫！即刻book 左黎试下佢！火之神铺面唔系话好大，但养左6只猫猫，每一只都好乖！好QQ！奇怪既系6只猫既餐厅见唔到有猫毛，清洁做得好好！原条蒲烧鳗鱼蛋包饭，条鳗鱼本身唔系话好大条，但好有心地切左一口大小，鳗鱼亦充满烧汁，表面有紫菜丝增强香味，配搭得好好！吃落一啲小刺骨都冇，口感系比弹牙，几好！炒嫩蛋包住珍珠米粒饭，真系又靓又香！呢个配搭冇得输！咖喱吉列虾蛋包饭，首先咖哩汁用牛肉调制，咖喱味比较浓郁，入面亦都有薯仔红萝卜等配料，仲有肉既香味！味道比较日式，少少甜。吉列虾份量唔细，有4大只，表面炸到香脆，肉里仲有虾既肉汁，火喉控制得唔错！当然咖哩现蛋包饭就更加正！香草牛肉罗宋汤，份量可见系超足料，味道无想象中甘重味，而系比较轻身既调味，本人反而觉得甘先好，唔会抢左咖哩只味。另外值得一提系每个到访既食客都会忍唔住去玩下猫先食野，而d 猫系好乖甘你食紧野就唔骚扰你，非常有趣！大家经过可以黎探下猫，食个靓饭休息休息！