B’hood

营业中

休息中

开返酒吧当然要去多啲饮酒喇！所以今日又去尖沙咀饮，呢间B'Hood主打咖啡系Signature Cocktail，全部都独创，非常特别！Superday $148呢一款系由花雕酒做base去研发出黎嘅，饮落口好特别，唔会好辣，aftertaste 仲有啲香气同埋甜味，好好味，随住冰块慢慢溶化，酒精嘅味道冲淡左，香味同甜味开始越嚟越出，好正。Is it a Mocha? $128成杯睇落好似朱古力，就咁睇以为个杯都系食得，饮落好似mocha咁，酒精味唔系好浓，同时好重朱古力香味，系因为落左dark chocolate，好特别，岩晒我呢啲一杯起两杯止嘅人。法式油封鸭髀配脆皮窝夫 $118鸭髀煎得唔错，唯独系就咁食就有少少干身，配埋个汁食就唔错，汁系香橙做嘅酱，几特别。蟹肉龙虾汁蛋饼 $118呢一个蛋饼真系好有惊喜，以为切开净系蛋，但有好多切左片嘅薯仔，食落每一啖都好有口感，而且蟹味都几重，好足料。配菜有四小碟，点每一款都各有千秋，但我哋都系中意就咁食。Overall黎讲，食物唔错，但饮cocktail更胜一筹，环境都几舒服，不过CP值就唔算好高。