新記煲仔雞粥 (已結業)

我好早训，所以搬左入元朗成十个月都冇试过元朗几出名下嘅宵夜，撞啱今晚喺深圳返到香港成十二点，走去又新街附近即系新B仔凉粉条街睇下有乜好野食。行嚟行去，发觉呢间叫新记煲仔鸡粥几多人帮趁，走入去食碗粥消夜先！个人觉得呢度系主打宵夜嘅！食物设计及份量都好符合夜猫子嘅需要; 粥同肠粉有大量选择，呢两种食品容易消化，适合夜晚食，另外亦有好多不同选择嘅小食，适合夜晚钟意饮番两杯嘅朋友。𥄫倒样叫做海鲜粥嘅野话特价HK$58, 隔离枱有叫，望落唔错，叫番个先！净食粥寡啲，叫多个虾米肠送粥。海鲜粥 HK$58哗，料多到呢！成只水蟹掉左落去滚粥，另外有两三料带子、五六只虾同埋三四块班片，正所谓唔打得都睇得，纯讲卖相份量，赢哂！先食粥，好甜，讲真放咁多料去煲咁细煲粥，唔甜就真系妖异啦！粥底亦系非常软滑香绵，估计用左珍珠米同泰国米两沟煲成，泰国米有香味，而珍珠米较绵滑，两样加埋啱啱好！蟹、虾同班片都新鲜甜美，但带子就一般，应该加左疏打粉，冇哂味。不过成煲粥计，我好满意。葱花粥米肠 HK$17看卖相一般，绝对系预早拉定嘅，夹起唔会散。食旧先，粉唔太爽但滑漏，虾米靓兼冇乜沙，葱份量多，提升了整体味道，如果系即拉嘅