Bigger Burger Cafe (已結業)

作为一间主打专买汉堡包既店，相信一定好出色，今日咁岩经过佐敦白加士街，见到人龙 就好奇望下排紧乜，见到系一间汉堡包店，就决定跟风一齐排队买黎食下！汉堡包选择十分多，差不多有成二十款既选择，而我今次就食餐厅最受欢迎既黑松露炒蛋牛肉汉堡，成个包好巨型，一啖都咬唔哂，香滑既炒蛋已经完全覆盖哂牛肉，好夸张！咬左一口，内里又蕃茄生菜既配菜，牛肉汉堡一d都唔干身，好juicy !牛肉汉堡既肉汁非常多，甚至滴到落我既手，所以大家食既时候要小心点 哈哈！薯条虽然唔系粗切 但都唔幼，最紧要系最够香脆！系咁热既天时我仲叫左杯 fuller’s frontier beer,啤酒唔会苦涩 阵阵既麦香系口腔游走！一啖啤酒 一啖汉堡 爽！