紫荊閣 (已結業)

朋友饭聚推荐这间传统粤菜，见到menu 有好多想食嘅菜式，令我非常期待这次饭局。先上枱嘅系预先订好嘅冬瓜盅。非常适合现时炎热嘅天气。冬瓜盅非常足料，但汤有啲淡口，不过配合其他菜式就非常之夹。跟住上枱嘅有两款小食：蜜汁烧鸡肝同虾多士 ，都系平时比较少见嘅菜式。烧鸡肝冇好似金钱鸡咁有肥猪肉包住，可以更加食到鸡肝的原味。 虾多士炸得脆而干身，师傅应记一功。今时今日已经很少酒楼会有叫化鸡。不过坦白讲除咗新奇好玩之外，我并不特别喜欢这道菜。我反而更加欣赏 另一道怀旧菜香酥鸭。师傅真系炸到酥香。另外仲有咕噜肉同金银蛋苋菜。咕噜肉嘅甜酸汁教得不错。甜品系令我整晚最期待嘅焗西米布甸。果然没有令我失望。上面够㶶，而布甸亦冇水汪汪的情况。