碗盛 (已結業)

麻酱棒棒鸡沙律($68)，醒胃前菜，酸酸甜甜既麻酱混合于青瓜之中，好清新既口感，而且放入左鸡丝食落就唔会咁"寡"。免治鸡肉棒($40)，鸡肉唔会完全剁得好碎，带少少粒状，咬落就可以更有口感，而蛋汁有锦上添花作用，令鸡肉更加滑身。牛小排配萝卜蓉醋($45)，牛肉容易咬开，肉质好嫩，每一口都有香喷喷既黑椒味散发出。烧白鳝($78)，肉质软绵绵，鱼皮烧至脆口，两者一齐食口感层次丰富，同样带有黑椒味道。鹌鹑蛋($22)，店铺系用自家调制既酱汁再搽上鹌鹑蛋，味道好突出。紫苏梅酱鸡肉串($32)，哩款食物同样可以令人有开胃既感觉，因为梅酱酸尾尾，鸡肉有肉汁唔干身。紫苏芥茉猪五花腩($38)，烧完之后，肉汁难免会流失少少水分，但五花腩有油脂，可以中和返，而且原来配合芥茉酱味道都几夹。炸鸡软骨($68)，每粒都好爽脆，佐口小食一流，如果店家调制出一款配合炸鸡软骨既酱汁就更加一流。杂锦天妇罗($108)，有炸虾、茄子、蕃薯、南瓜、冬菇，每款各2件，我个人觉得最好食系炸虾和茄子，虾肉有弹牙口感，茄子就咬落先经过外层酥脆既炸浆，之后会食到茄子既软腍，一脆一软口感丰富。火灸牛小排拉面($118)，选左黑蒜油猪