影片
更多
2023-06-01
333 浏览
我哋推介呢一间餐厅系因为呢句说话 ”备长炭で焼きあげます” (翻译年糕：备长炭烤制) ed小分享：备长炭系用超过1200度高温烧制而成，所以炭入边嘅水份和硫磺相对较少，燃烧嘅时候唔会产生咁多灰和烟连裤喺食物sir，而且备长炭所产生嘅火焰相对一般炭火高温，能够喺烹调过程中，令到整件食物内外受热均匀，唔会烧到表面㶶晒而入边未熟。而日式烧鸡串系日本传统食物，讲究嘅位有两个，第一厨师嘅用料配搭及调味，第二即叫即烧。而呢间餐厅就绝对满足到以上要求😍 每一串嘅价钱大约由$30至$60左右，相对有特色嘅我哋会推介：Gizzard 砂肝、Liver 鸡肝、Skin 鸡皮：烧鸡嘅内脏，真系好考师傅嘅功力，特别系对火候嘅控制，太老就起柴，太生就对食客危险，太咸就抢哂相应嘅味道，佢哋呢三款都烧得好出色，必试👍🏻 (唯独是烧鸡皮系汁烧，其余两款都系盐烧)Pork Belly 烧腩肉：厚切，面头放咗少少柚子胡椒，中和返个油腻，口感爽脆Asparagus Roll 猪肉芦笋卷：烧得好好，调味唔错，芦笋中后段烧得都够juicy，不过芦笋头相对烧得较老，少少扣分🤏🏻Egg Roll 玉子串烧：玉子调味刚刚好，不会太甜
我哋推介呢一间餐厅系因为呢句说话 ”备长炭で焼きあげます” (翻译年糕：备长炭烤制) ed小分享：备长炭系用超过1200度高温烧制而成，所以炭入边嘅水份和硫磺相对较少，燃烧嘅时候唔会产生咁多灰和烟连裤喺食物sir，而且备长炭所产生嘅火焰相对一般炭火高温，能够喺烹调过程中，令到整件食物内外受热均匀，唔会烧到表面㶶晒而入边未熟。而日式烧鸡串系日本传统食物，讲究嘅位有两个，第一厨师嘅用料配搭及调味，第二即叫即烧。而呢间餐厅就绝对满足到以上要求😍 每一串嘅价钱大约由$30至$60左右，相对有特色嘅我哋会推介：
Gizzard 砂肝、Liver 鸡肝、Skin 鸡皮：烧鸡嘅内脏，真系好考师傅嘅功力，特别系对火候嘅控制，太老就起柴，太生就对食客危险，太咸就抢哂相应嘅味道，佢哋呢三款都烧得好出色，必试👍🏻 (唯独是烧鸡皮系汁烧，其余两款都系盐烧)Pork Belly 烧腩肉：厚切，面头放咗少少柚子胡椒，中和返个油腻，口感爽脆
Asparagus Roll 猪肉芦笋卷：烧得好好，调味唔错，芦笋中后段烧得都够juicy，不过芦笋头相对烧得较老，少少扣分🤏🏻
Egg Roll 玉子串烧：玉子调味刚刚好，不会太甜，上面再放上一堆白萝卜蓉，最后淋上少少烧汁，食落去，口感平衡，萝卜蓉带嚟嘅小小清新好有效咁中和返个油腻🥹
Chicken & Egg rice 亲子丼：蛋黄和鸡肉混合一齐捞饭一流，味道好出色，又好饱肚。唯一问题系有啲饭相对较硬，甚至乎未熟，不过都明嘅，师傅主打烧烤嘛🤣
Quail Egg 鹌鹑蛋：呢个真系好食到黐线，细细粒鸡蛋，细细粒蛋黄，师傅可以烧到三粒都流心😱
Green Onion Roll 青葱鸡卷：估唔到鸡肉和葱系咁夹，食完之后齿颊留葱香
Ginkgo 银杏：烧得甘香，落少少盐，简简单单，食落去冇苦涩味，我哋相信系日本银杏，对身体好又好食
Soft bones 鸡软骨：佢哋嘅鸡软骨系用鸡胸软骨去烧，相对大件，而唔系坊间𠮶啲一粒粒。鸡软骨，仲连埋少少鸡肉，口感爽脆
Tsukune 免治鸡棒：鸡肉混上少少鸡软骨，在沾上自家制酱油和蛋黄食落去，成件事夹得嚟又有口感，正👍🏻
一个小小嘅总结，以串烧嚟讲，呢间餐厅真系好高质，而且性价比唔错，系宵夜嘅过程我哋见到日籍师傅专心一致咁烧好每一串，我哋完全感受到佢哋嘅 “串一本に魂込めて” (翻译年糕：把灵魂融入每一串) 嘅匠人精神，亦都衬托返佢哋餐厅名称 - 鸟匠，鸟之匠人。我哋建议大家可以一试，唔错的
张贴
