真味源

营业中

休息中

观塘做完嘢，本来坐红Van返荃湾先食晚饭，经过门口见到餐牌，主打炖汤，依排有两声咳，又想饮返碗汤，一于试试佢。餐厅唔算太大，大约有七张四人枱，地方光猛干净整洁，坐低侍应俾咗杯麦茶，麦茶好香，几好饮。川贝海底椰炖鳄鱼肉 $60炖汤一人份量原炖盅上，上菜时非常之热，都要等咗一阵先至可以饮到落口，材料充足，眼见有川贝、鳄鱼肉、沙参、海底椰、排骨，入口清甜，冇味精，炖汤火候时间非常充足，排骨入口即溶。豉蒜白鳝蒸饭 $58 （笼仔蒸饭加配任何炖汤减$10)蒸饭热辣辣蒸起，白鳝都有6至7件，当然唔会太厚切啦，因为价钱问题，蒜蓉蒸白鳝味道好夹，少少豉油加蒜蓉搅拌埋啲白饭，唔会太咸味道啱啱好。因为我有嗌咗一个炖汤，蒸饭平咗$10，所以$ 48有一个蒸白鳝饭，都几抵食。