Hidden Table (已結業)

黄埔有好多有质素既美食，沿路都会闻到周围都好香，而小食黎讲，黄埔都有好多，我地今次就去左呢间Hidden Table，小食既种类好多，而烧卖系呢度既主打，有唔同味道，有蒸烧卖同炸烧卖任君选择，仲有烧卖关注组会员福利，同埋理大学生有9折优惠💯蒸秘制猪肉烧卖（$24）我地唔想全部都系炸嘢，就拣咗呢个蒸烧卖，一份有8粒，味道好特别，加入左麻酱做酱料，第一次食呢只味道，无念过又几夹，有新意，烧卖馅都好鲜甜，鱼肉味好出🤩超滑秘制肠粉（$24）见到都系店主推介就试一试，果然真系好滑，配搭埋芝麻甜酱麻酱，唔觉唔觉就食晒咗全份，份量都足够两个人share食😋邪恶炼奶炸馒头 （$26）一份有3件，馒头系即刻炸，食既时候仲热辣辣，外脆内软，配搭埋炼奶真系绝配😛Shake爆卷卷薯条($30) 有三个味道可选择，分别系麻辣，紫菜，美国南部，我地拣咗紫菜味，紫菜大大条，分布得好均匀，紫菜味好重，配搭埋热辣辣嘅薯条，食到停唔到口🤭小店除左有汽水，仲有其他韩式饮品选择，食到渴渴地，整翻支有气饮品，都真系几正㗎👍🏻