牛皇星 (已搬遷) 新店位置

天气冻最好就系打边炉, 朋友话呢到牛肉好好食, 带我黎试吓~BOOK咗7点, 8点半要交枱, 其实都几急...等咗5MINS(佢话要执枱㖞), 就搭LIFT上一楼喇~坐低即时有人招呼, 快手~汤底拣咗沙嗲拼野菌, 沙嗲一般, 野菌好足料, 一大堆菇做汤底, 正啊~本来想拣醉鸡底的, 但友人坚持感冒唔可以食鸡...唔准拣... (车, 感冒都唔应该打边炉啦...)生蚝︰随咗打边炉, 呢到仲有多种刺身供应, 我地ORDER咗生蚝, 细细只, 蚝味同海水味都几重~牛肉︰好味啊, 好嫩滑又好弹牙, 脂肪够多, 但系唔会觉得腻, 正!牛柳粒︰一样咁好味, 但系厚身难熟D, 俾D时间慢慢烚~杂菜︰样样菜都有少少, 都几新鲜~杂菌︰样样菇都有少少, 好大只好厚肉~油锥片︰想ORDER鱼, 伙记哥哥介绍油锥~ 鱼肉/皮好脆, 但系有骨, 小心食...墨鱼滑拼虾滑︰劲弹呀! 好味! 虾滑有一粒粒的虾肉!水饺︰原只虾仁, 又多木耳, 爽口皮又滑~皇帝菜︰杂菜蓝冇呢只菜, 所以ORDER, 好嫩~盐水煮蚬︰哗, 好大只GA, 鲜甜, 个汤好重胡椒味, 好正~!!炸鱼皮︰即炸, 香脆唔腥, 放落汤浸一浸就更好