希鳥

营业中

休息中

今次同妈妈嚟食正宗嘅日本Omakase 全鸡宴，系用鹿儿岛黑萨摩鸡作食材，口感比起平时嘅鸡更加有咬口，最特别系可以用来做鸡刺身！前菜非常丰富，一盘有四个唔同嘅菜式。最出色嘅系佢嘅鸡肝酱多士，好有咸香味得嚟又唔会太腥。鸡颈肉作为第一道菜真系一啲都唔失色，鸡颈肉附近比较多脂肪，食落去有啲似和牛咁样入口即溶，上菜前师傅亦都摆咗芥末浆落去调味。终于试到鸡柳刺身！师傅会先煎香咗外皮，所以食落去一开始唔太觉得系刺身。同三文鱼子味道都非常之夹，似平时嘅刺身手卷。本身好钟意食鸡肾，因为觉得佢口感弹牙。今次呢个鸡心可以话系鸡肾嘅进化版，食落去冇鸡肾咁干。跟住落嚟嘅烧鸡胸做到外脆内软，师傅火候调校得好好，食落去有炭烧味而且唔会好难咀嚼。第二旧师傅建议加上山椒粉，食落去就更加有日本风味。食到咁上下，有白桃雪葩refresh一下。要大赞呢个炭烧粟米！有好香牛油味，里面亦非常多汁。主食有荞麦面配上鸡肉京葱汤，份量亦啱啱好。最后由原味雪糕配哈密瓜粒作完结～妈妈亦食得十分满意！