Hugo Le Resto Grill (已結業)

今次系第一次黎食生日饭，预约左先黎既，黎到好快安排到座位。见到环境灯光教暗，有情调，有唔少食客，但唔会觉得嘈，座位舒服。同朋友各拣一款signature dinner，包自助沙律吧、龙虾汤、甜品同餐饮。落完单就出左黎沙律吧到拣野食喇，五颜六色既蔬菜好吸引，仲有2款生果。西瓜好甜，沙律菜都好新鲜，正㖞！要赞埋个龙虾汤，好浓，食到粒粒龙虾肉，调味岩岩好，点埋餐包食最正。饮完汤食完包就上主菜喇。点左美国顶级纽约客牛扒$298，要8成，个卖相好靓呀，插左支旗仔好可爱，跟黑松露薯条嫁！黑扒煎得好香，就算系8成仍锁住肉汁，配菜加左蒜蓉去炒好味。薯条就算影完相食都仲系好热，好正，个松露酱好香，出面好多都系跟茄汁就算，哩度有惊喜。另一款主菜点左个碟炒饭，系鹅肝鲜芦笋炒饭 268。哩碟炒饭做法几中式，用左日本珍珠米炒，有咬口，用左牛油去炒好香，哩个饭炒得好味，食到鹅肝粒粒好香呀！食晒主菜后仲有甜品同餐饮，拣左咖啡，几香但略苦，要落多少少糖。两小件蛋糕都几好味，特别中意朱古力口味既，好浓味。