辦館 (已結業)

帮衬过咁多餐厅食店，好难次次都食到好嘢，有时都会误信食评以为得，点知中晒伏，呢间系其一。「办馆」系铜锣湾新食厦Tower 535里面，即系世贸隔离。环境好好，楼底高，人唔多，如果只计hea的话真系唔错。佢提供All day breakfast、意粉、饭、小食等等，招牌菜系沙嗲安格斯牛肉捞丁，用高级牛肉包装茶餐厅食物，都有点gimmick。佢有个算抵的茶餐，$88包牛肉捞丁（选牛肉+$5，或不加钱选其他配料，共两种）、小食拼盘、多士、奄列、饮品（需知单点牛肉捞丁要$78）。我的组合系沙嗲牛肉+午餐肉捞丁，牛肉系切粒唔系片状，沙嗲酱好多，但系非常咸（连我钟意重口味都觉咸），牛肉又食唔出有安格斯的级数，勉强食晒，但要狂饮水。厚切午餐肉冇咩特别，配合沙嗲牛肉系咸上加咸。多士叫左烘底（+$2），但效果同冇烘冇分别。奄列质素都无特别之处。反而最值得一吃系小食，系沙律小多士，调味好好，口感丰富，多士香脆。另外叫左松露叉烧炒饭（$88），上枱已觉得卖相麻麻，饭粒黐埋一pat pat，虽然闻到松露香但不见踪影。食一啖，果然饭煮得太腍身，水分太多做炒饭系唔会好食，无论材料几好都无补于事，何况松露同叉烧都少