Stormies (已結業)

呢间店既大门口系Yoho mall 出面，唔太显眼，如果唔系系商场app见到，未必会留意。餐厅主菜类唔算太多选择，反而小食款式多样化，大概同餐厅有酒精供应有关，等d人就算食完正餐，都可以嚟饮酒吹下水。有小小惊喜既系晚餐主菜做梗买一送一优惠，可以拣唔同款，以贵价既一款计。小食叫左脆辣蜂蜜鸡翼，估唔到有甘多只，食极都有，平时最多一碟咪得6只，呢度无记错有8、9只⋯味道好浓，辣中带甜，劲入味。炸鱼薯条配他他酱及麦芽醋，炸鱼有半只碟甘大，外皮炸到金黄色香脆，入面鱼肉有一吋厚，劲嫩滑～好食！肉眼牛扒明明叫左medium rare，但系嚟到差不多系medium well，火喉控制得唔好，浪费左块扒。拌碟仲有杂菜沙拉同黑松露薯条，薯仔份量几多，2个人分嚟食都得～