Simplylife Bakery Cafe (已結業)

一行5人食生日lunch。两张小圆枱坐4个人系刚刚好，但5个人，其中一个要坐主席位就太勉强了吧。要求加枱，经理好合作㗎，即刻行动，只系佢全程黑面冇望过我哋一眼，set好枱即闪。午餐每人点一个沙津，一个主菜，一杯ice tea，$92唔算贵。主菜点了意大利黑醋鸡胸火箭菜手造纽纹粉，听落清清地，嚟到真系吓一吓，成碟布满黑醋，鸡胸碎上，见到已经唔想食，食落除咗黑醋酸味冇其他味道，结果挨了半碟放弃⋯⋯⋯。碟纽纹粉漏到咁，自然要揾嘢饮。点解，点解个冰茶唔见咗啲新鲜西柚？变咗果汁沟茶？！No way，实在太hea，除咗个沙律同面包可以keep到，其余都好难食⋯⋯