星海．譽宴 (The ONE)

营业中

休息中

呢间The One 18楼既誉宴，望位维港景同九龙公园，几开扬，好天望住靓景几写意。入座职员会一煲热水烚住餐具上枱，以示高温消毒过。.点心即叫即蒸，落单后等大概廿分钟出餐，等待时间出去望下景就啱晒啦黑松露鲜虾饺 特几香黑松露味，中间仲有粒迷你虾饺，同样有馅不过皮太厚。蟹籽烧卖皇 大正正常常无乜特别，算系足料结实。南翔小笼包 大用萝卜垫底但夹起时都会穿底漏汁，失败。姜葱蒸牛栢叶 大个酱几杰，好似姜葱鸡咁，味道唔错，几大碟。黑醋柚子蜜牛仔骨 特平时酒楼食开黑椒牛仔骨，呢个有淡淡的柚子味几清新，酸酸甜甜几好味。而且牛仔骨几大块，几多肉。安虾咸水角 中正常无特别。.以往去誉宴饮茶觉得几抵，不过呢间星海用料可能好啲，价钱都贵啲，两个人茶钱连六个点心埋单$370，性价比我觉得唔算高。