影片
更多
2023-11-14
243 浏览
🔸Cantina🔸🔆大馆Cantina系weekend有个Starters任食的Brunch，今日同妈妈黎到试下意大利菜，chill下~🔆Weekend Brunch $488/person (FOOD ONLY)Starters一共有7款，包括：烤面包三重奏 (经典番茄口味、鸡肝酱、茄子、生晒番茄干及罗勒)番茄酱意大利猪肉肠风干火腿冷盘配腌制蔬菜牛油果三文鱼他他杂锦海鲜沙律意式吞拿鱼酱小牛肉水牛芝士配意大利蕃茄一开头Starters会全部上哂一转先，如果大家觉得之后想再食边一样，可以再叫，唯独水牛芝士配意大利蕃茄，就要加钱先可以再叫。Starters味道一般，我地觉得全部都有啲偏咸，亦无一款系觉得特别好食，而且份量好多，食一转都饱哂，所以我地亦无再叫。🔆地中海风味鳕鱼柳 伴鹰嘴豆泥、番茄、腌渍小黄瓜及尼斯小橄榄鳕鱼柳外皮香脆，肉质爽滑，伴埋味道酸甜嘅蕃茄酱，同绵密、浓郁嘅鹰嘴豆泥。依份主菜唔错。🔆红酒烩牛颊肉配薯蓉及红酒汁Sor, 佢真系上到黎好似一旧💩咁，令我同妈妈都觉得好好笑。讲番正经野，牛颊肉非常软嫩，肉味浓，薯蓉亦出乎意料之外creamy香浓，好香牛油味。味道都唔错！不过，貌
🔆大馆Cantina系weekend有个Starters任食的Brunch，今日同妈妈黎到试下意大利菜，chill下~
🔆Weekend Brunch $488/person (FOOD ONLY)
Starters一共有7款，包括：
烤面包三重奏 (经典番茄口味、鸡肝酱、茄子、生晒番茄干及罗勒)
番茄酱意大利猪肉肠
风干火腿冷盘配腌制蔬菜
牛油果三文鱼他他
杂锦海鲜沙律
意式吞拿鱼酱小牛肉
水牛芝士配意大利蕃茄
一开头Starters会全部上哂一转先，如果大家觉得之后想再食边一样，可以再叫，唯独水牛芝士配意大利蕃茄，就要加钱先可以再叫。Starters味道一般，我地觉得全部都有啲偏咸，亦无一款系觉得特别好食，而且份量好多，食一转都饱哂，所以我地亦无再叫。
🔆地中海风味鳕鱼柳 伴鹰嘴豆泥、番茄、腌渍小黄瓜及尼斯小橄榄
鳕鱼柳外皮香脆，肉质爽滑，伴埋味道酸甜嘅蕃茄酱，同绵密、浓郁嘅鹰嘴豆泥。依份主菜唔错。
🔆红酒烩牛颊肉配薯蓉及红酒汁
Sor, 佢真系上到黎好似一旧💩咁，令我同妈妈都觉得好好笑。讲番正经野，牛颊肉非常软嫩，肉味浓，薯蓉亦出乎意料之外creamy香浓，好香牛油味。味道都唔错！不过，貌相真系差左啲...
🔆甜品拼盘 (经典意大利芝士蛋糕，西西里卷心脆饼，特伦蒂诺酥卷)
甜品方面，Tiramisu真系好好食！佢用黎盛载嘅杯仲要用朱古力整，一啖咬落去好香咖啡味同忌廉嘅奶香。西西里卷心脆饼系饼干卷住乳酪同开心果粒，另带有淡淡柠檬味，不过对我黎讲太甜，一般般~特伦蒂诺酥卷入面有苹果、梨、提子干同松子，食落暖暖微微甜味，加埋松子香，好特别！
🔆总结黎讲，环境好舒服恬静，服务都周到，但食物比较一般，比较适合打卡人士。大家如果有兴趣去食，要记住依个价钱只有食物，系唔包饮品，even饮sparkling都要额外收费~
🔆Pleasure指数（满分5粒🤩）
🐭小姐：🤩🤩+0.5
📌地址：中环荷李活道10号大馆1座1楼
🎐Foods are powerful🎐
#Pleasure食
#Pleasure中环
#Pleasurer
#hkfoodie #foodie #hkfood #hkeat #food #foodstagram #hongkong #hongkongfood #central #weekendbrunch #brunchhk #starters #unlimited #中环 #大馆 #中环美食 #大馆美食 #甜品拼盘 #Tiramisu #打卡 #庆生 #朋友聚会 #情调 #cantina @cantinahongkong
张贴
