旺記冰室 (大本型) (已結業)

星期一既午餐，就試試大本型新開既「旺記冰室」。唔知係因為新開定因為好味，通常都要等位。餐廳亦都係出面整左個排隊專區。係排隊既時候，大家可以睇著餐牌先，其實午餐既選擇並唔多，有啲都算幾重覆下，從另一方面諗，對於一啲有選擇困難症既人，係好事黎既。另外要講講既係，翻轉餐牌就係英文版本，依一點係值得一讚既。望望餐牌，好似全部都有蛋，對蛋敏感既人士要小心啦。我揀左午餐3，姐係日本滑蛋蝦仁叉燒飯，由於我見到一箱箱日本蛋既包裝，所以我有理由相信佢真係用緊日本蛋，唔怪得蛋係一依度既主題。説時遲那時快，一碟靚靚仔仔既滑蛋飯就係我面前，賣相似好味既滑蛋飯，表面有光澤，唔會炒過櫳。食落去同幻想既差唔多，再落埋豉油，都算係幾香港既一種食法。份量如果可以多啲就好，佬食既話應該會意猶未盡。總結：個滑蛋飯係above average。至於有冇回味無窮既感覺，依樣就見仁見智。