茶木‧台式休閒餐廳 (已結業)

我最近变咗茶木既Fans！今日系Yoho食完晚饭，甜品瘾起但又懒得行咁远，于是就去咗茶木食甜品。屋企人钟意食芒果，就嗌左个芒果糯米饭。椰浆暖暖地，味道不过不失。糯米饭比较结实，痴埋一旧，口感麻麻地。而芒果已经切好一旧旧，方便进食，但个人觉得偏酸。朱古力雪糕🍦配上蜜糖面包砖，两个人就岩岩好。面包砖脆卜卜，配上雪糕真系一流，但系个人觉得Cream太多，味道偏甜偏腻。花茶好好饮，清新解腻，配埋蜜糖更容易入口。