丼丼屋 (已結業)

今晚我们去咗旺角花园街嘅「丼丼屋食堂」食晚饭！我们叫咗照烧鸡肉沙律、鳗鱼三味丼、特上盛大虾海鲜丼、滑蛋吉列猪扒定食同什锦刺身丼定食！照烧鸡肉沙律嘅鸡肉烧得好芳香，肉质好软滑，沙律菜好新鲜清甜，炸腐皮都几香脆，感觉都几特别！鳗鱼三味丼嘅鳗鱼切得比较幼身，但肉质都好嫩滑弹牙，珍珠米饭亦好软熟！特上盛大虾海鲜丼嘅卖相好色彩缤纷吸引，有两只特大嘅赤虾，帆立贝、吞拿鱼同三文鱼，赤虾嘅肉质相当爽虾弹牙，味道非常鲜甜，而帆立贝、吞拿鱼同三文鱼嘅肉质都几鲜甜嫩滑，但就切得比较薄身！滑蛋吉列猪扒定食炸得好金黄香脆，肉质好松软，炸粉唔会好厚身，滑蛋相当滑溜！什锦刺身丼定食系用几种唔同款式刺身切粒制成，款式都算多，肉质相当鲜甜嫩滑！