鮨丼 (已結業)

晚饭时间咁啱经开佐敦出名多人排队嘅鸡蛋仔，隔离见到楼上有丼饭食！谂起之前有friend 介绍过呢到间鮨丼，谂唔唔使谂即刻上去！鮨丼系3楼，估唔到地方超大，有啲惊讶。揭下menu， 唔使睇后面啲寿司已经畀前面啲丼饭吸引咗！丼饭包埋沙律，汤同甜品。佢个面豉汤都几多材料，唔会太咸，有菇同埋蚬肉系入面。我哋点咗两个丼饭，一个系北海道马粪海胆丼$348，另一个系自信作双层丼$328。北海道马粪海胆丼好大份，马粪海胆铺满咗八成，上面有金箔，仲有一只蛋黄，海胆香滑鲜味，wasabi系即磨，捞饭真系一流！自信作双层丼又系好正， 除咗有个刺身盒，佢本身个丼饭上面嘅切粒刺身，全部都系又香又滑又冇筋嘅大拖罗，小量三文鱼同赤身， 绝对唔系一般寿司店用啲头头尾尾有又唔新鲜又多筋嘅刺身切畀你。甜品系个朱古力大福。晚餐食左个咁正嘅海胆饭同刺身饭，感觉真系好幸福。