大勝丼 (已結業)

丼饭爱好者天堂,丼饭嘅选择好多,不论系鱼生丼定系熟食丼,总会拣到一款啱心水,而且每个丼饭都附送一碗面豉汤同一罐饮品。身为一个鱼生爱好者当然拣左招牌嘅北海道鱼生爆丼,有齐晒海胆,北寄贝,帆立贝,三文鱼,鲷鱼,甜虾,油甘鱼,吞拿鱼同三文鱼籽。每款鱼生刺身都好厚身好新鲜,特别系海胆同帆立贝,好鲜甜。因为我男朋友唔钟意食生冷野,所以火炙狂牛丼啱晒佢,火炙牛柳粒嘅份量都几多,熟度啱啱好,食落软淋,吾会太老。最正嘅系仲有只温泉蛋,令珍珠饭沾满蛋黄同牛油嘅香气。