丼燃食堂

营业中

休息中

果日出旺角，行行下街谂住揾野食，比我见到开左间咁抢眼既铺头，睇下食咩完来系食丼饭，旺角都好少剌身丼饭既选择，就试试佢。一入铺都系比D好抢眼既装修吸引住，睇睇餐牌，以旺区黎讲一百蚊头食到刺身饭都算系咁。我地两个人就叫左两个野，虎士山丼同埋乜蟹都有丼，落单果时职员仲话有得免费加饭，几抵食。而且铺头都算几贴心，食刺身饭配热茶，值得一赞。虎士山丼，好少人推荐，但我觉得依个系最有惊喜。三文鱼同吞拿鱼溶加埋一齐，令到个饭食落好creamy，同埋佢上面有D黑松露酱，成件事系超级夹，又香又好味，一定要试!乜蟹都有丼，成碗饭好足料，真系咩蟹肉都有，加埋佢D豉油，好鲜味，好快就食哂成豌，仲要加饭，不过加左白饭就显得唔够料。如果肚饿要加饭，就记得唔好咁快食哂D料啦!总括成间餐厅各方面都几好，个人推介一定要叫虎士山丼，一定唔会后悔。