丼道 (上水廣場)

营业中

休息中

今日入上水同个朋友拜年，喺佢楼下吃餐丼饭，过咗午饭时间，可以慢慢倾慢慢食。地方阔落，玻璃窗入自然光使人感觉好舒服，加上装修以木系为主，下午和煦的阳光令人感觉好舒服，整个环境令人置身日本旅行，QR code 拣好餐入购物车送出确认落单便成了，快捷可靠。鳗鱼丼~鳗鱼独特嘅香味冇其他鱼脂可以代替，配合鳗鱼汁饭已经美味无比，再加入温泉蛋就更上一层楼，这店子的鳗鱼饭做得唔错，个丼本身包咗面豉汤或柚子醋沙律，仲有一杯冻绿茶。刺身丼~喜欢鱼生刺身嘅朋友梗系要食呢个刺身丼，三文鱼、吞拿鱼、油甘鱼、八爪鱼等等各款新鲜刺身啖啖肉，加入寿司醋嘅寿司饭来至日本靓米。和式杂锦拼盘~下午茶餐包面豉汤或沙律仲有蜂蜜冻茶，可以叫其他饮品-鲜奶抹茶（半价），各款小食即叫即做，新鲜热辣辣炸起蟹肉忌廉薯饼，七味鸡翼脆非常香口，芝士年糕烟韧可口，仲有热辣辣脆卜卜嘅薯角。另外再点多个抹茶芝士蛋糕，完全满足晒抹茶控嘅需求。