三代目 (港運城)

营业中

休息中

今日想同屋企人谈心，于是去咗呢一间叫做三代目嘅日式餐厅度食饭。一入去到个环境，感觉好亲切，有啲似日本嘅居酒屋，古色古香，令人轻松。我哋嗌咗个盐烧牛舌丼，肉质嫩滑，饭粒分明，肉汁丰富，厚度适中，值得一试。另外我哋嗌咗一个三监烧肉丼，内有烟熏鸡五花肉及牛舌。配搭丰富，味道咸咸的、浓郁可口，加上酸瓜嘅配搭，感觉令人开胃。我哋亦都嗌咗一个海之夭妇罗，内有虾，鲷鱼，黑松露带子，灵鱼，紫苏叶。炸粉厚度适中，不油腻，食材鲜甜可口、新鲜。我个人认为值得重点推介嘅系呢一个照烧鱿鱼筒，照烧汁味道浓郁可口，鱿鱼本身质感嫩滑、弹牙。质感亦比一般嘅浓郁、软绵，非常容易入口。此外，我哋嗌咗一杯冻嘅荔枝焙茶同一杯冻嘅苹果焙茶。味道甜甜的，感觉特别。配茶嘅茶底能够衬托出水果嘅味道，是另一卖点。总括而言今次用餐嘅体验愉快，有著一般日本餐厅用餐嘅水准。餐牌选择多元，味道不错。