龍門冰室 (已結業)

终于试到呢一间非常之红嘅龙门冰室，去咗铜锣湾嘅分店，呢一日系平日嘅晚上，大概等咗15至20分钟，两个人嘅枱呢系快啲会等到嘅。佢虽然叫冰室，但系佢嘅食物呢系比茶餐厅更多样化，又有扒餐，又有意粉焗饭，西式𠮶啲意大利饭都有，亦都有普通茶餐同捞丁等等。叫咗一个瑞士汁鸡翼面配多士同埋蛋，好经典嘅茶餐厅餐，好似唔使50蚊嘅，正正常常咁啰。另外嗌咗个是日晚餐，仲会跟餐送罗宋汤。全部餐都系会包一杯嘢饮，即系柠檬茶奶茶𠮶啲。罗宋汤就比较细碗，我影呢张相系未食已经系得咁少，个餐呢就系椒盐猪扒叉烧饭，佢猪排系即整嘅，所以好热辣辣，但系叉烧呢就比较冻少少， 我就觉得只系一般啦。坦白嚟讲，我觉得佢食物水平只系一般，但系能够同一班同路人一齐食饭，系开心嘅， 畀钱换单上面呢一个句可能好多人都觉得值得嘅。