大吉居酒屋 (已結業)

是日与几位朋友午膳，一点入座，大约1：05分我们四人就落单。接著，就是等呀等，等到花儿快谢了。13：25刚才帮我地落单既侍应姐姐话厨房电脑坏左，厨房唔知我地点左咩，问返我哋点左咩餐。我哋就逐一再点过。跟住我多口问清楚：咁电脑整返好未？姐姐话：未呀，不过头先真系落咗单架啦，系厨房电脑坏左睇唔到落左咩。我：咁点解要依家再问我地？唔系出面部电脑有纪录架咩？姐姐：厨房部电脑坏......我地几个谂深一层，都觉得系姐姐唔记得落单，但又老作话咩厨房电脑坏咗既无稽之谈。最后埋单时，单咪一样print到我哋点左既餐。究竟佢系咪呃我......点左朝鲜角切刺身饭。据了解，朝鲜即系代表捞左少少辣汁咁解。蒸蛋一般，辣汁份量颇多，粒粒鱼生都沾上。系就系无咁腻，又几惹味，但就唔系好显出鱼生既鲜味。可能头先疑似俾人呃完，硬系觉得佢系因为啲鱼生唔够新鲜，先要落辣汁......埋单盛惠$220，拜拜了！