影片
更多
2009-01-23
23 浏览
22-1-2009都成两三年无帮衬过鱼一丁, 呢日一行 5 人订定台0黎 dinner, 新0野旧0野都试了 d, 印象比以前好好多!:- 一丁拉面沙律: 一眼睇晒系拉面 + 鸡丝 + 蕃茄粒 + 生菜, 配另上的 dressing (卖相同味道都好似 thousand island, 唔知系乜来的?), dressing 几开胃, 拉面就烟韧弹牙, 但带点碱水味, 可惜. 不过整体都系唔多识欣赏...- 日式煎蛋卷: 印象中以前呢样质素参差得很, 一系水汪汪, 一系干争争又带(火罗)味, 但呢日的做得好好 -- 热辣辣, 厚厚的, 质地软熟, 汁液够, 蛋香浓郁, 我好唔客气地食了两件!- 天妇罗乌冬: 天妇罗炸浆厚度可以接受, 炸得脆口, 不过都真系几油0下; 试了半只虾, 肉质弹牙结实, 系几新鲜的, 不过三河屋的 (http://www.openrice.com/restaurant/commentdetail.htm?commentid=1947790) 好食 d 㖞; 又试了件蕃薯, 够甜但唔够粉, 可惜. 汤乌冬反而不错, 食落烟烟韧韧, 似乎系「手打」?- 日
都成两三年无帮衬过鱼一丁, 呢日一行 5 人订定台0黎 dinner, 新0野旧0野都试了 d, 印象比以前好好多!:
- 一丁拉面沙律: 一眼睇晒系拉面 + 鸡丝 + 蕃茄粒 + 生菜, 配另上的 dressing (卖相同味道都好似 thousand island, 唔知系乜来的?), dressing 几开胃, 拉面就烟韧弹牙, 但带点碱水味, 可惜. 不过整体都系唔多识欣赏...
- 日式煎蛋卷: 印象中以前呢样质素参差得很, 一系水汪汪, 一系干争争又带(火罗)味, 但呢日的做得好好 -- 热辣辣, 厚厚的, 质地软熟, 汁液够, 蛋香浓郁, 我好唔客气地食了两件!
- 天妇罗乌冬: 天妇罗炸浆厚度可以接受, 炸得脆口, 不过都真系几油0下; 试了半只虾, 肉质弹牙结实, 系几新鲜的, 不过三河屋的 (http://www.openrice.com/restaurant/commentdetail.htm?commentid=1947790) 好食 d 㖞; 又试了件蕃薯, 够甜但唔够粉, 可惜. 汤乌冬反而不错, 食落烟烟韧韧, 似乎系「手打」?
- 日式芝士烟肉年糕: 叫来「应节」的, 朋友们真可爱 年糕落芝士, 烟肉, 薯仔及南瓜焗, 几香口又好黏口黏碟, 不过本身唔系太钟意日本年糕, 唔讲太多了.
- sukiyaki: 朋友 P 的推介... 只食了两块牛肉, 几肥, 一般嫩, 但又几香几浓肉味㖞; 豆腐好滑溜, 豆香十足, 索了汤后就当然多一份油香及层次. 睇0黎 d 菜应该仲好食, 可惜唔够抢啦.
环境都系咁, 典型轻松居酒屋格局, 倾偈一流; 招呼就无乜特别.
连加一每人约 $110, 虽然食唔饱, 但食物不错, 价钱合理的. 下次0黎再试试其他熟食吧 -- 好想试佢条「蚊香」肠及清酒煮蚬!
张贴
