影片
更多
2013-10-29
1518 浏览
好耐之前喜欢黎呢度食任食火锅，一来食物质素ok，二来价钱正常，三来就脚。但自从年几前食物质素下降就冇再黎。早两日同朋友系湾仔六点几做完野，行过挑起条筋，就入去食多次。一入门口，经理好殷勤，侍应手脚快，我地坐楼下圆台。正当犹豫紧点咩汤底o既时候，经理推介"麻辣鸡煲"，话厨师整得唔错。先食鸡煲，再打边炉，最重要系经理话唔驶加钱，包埋系任食入面。友人见隔离台点左，所以决定一试。麻辣鸡煲：我地点左少辣。经理确实冇介绍错，鸡煲惹味，不太咸，而且辣味适中，鸡肉唔鞋。连平时比较咀刁o既友人都赞，仲话下一次可以挑选中辣。 生牛肉刺身：2-4人送一份。友人赞牛肉味浓。火锅配料：以呢个价钱黎讲，选择都ok，又包o野饮。如果对肥牛有要求o既人，可能就要加钱点o靓d o既。两个人埋单$296。收费应该系每人$148任食，难道冇加一亦冇加汤底同茶芥酱料钱？确系抵食
好耐之前喜欢黎呢度食任食火锅，一来食物质素ok，二来价钱正常，三来就脚。但自从年几前食物质素下降就冇再黎。
早两日同朋友系湾仔六点几做完野，行过挑起条筋，就入去食多次。
一入门口，经理好殷勤，侍应手脚快，我地坐楼下圆台。正当犹豫紧点咩汤底o既时候，经理推介"麻辣鸡煲"，话厨师整得唔错。先食鸡煲，再打边炉，最重要系经理话唔驶加钱，包埋系任食入面。友人见隔离台点左，所以决定一试。
麻辣鸡煲：我地点左少辣。经理确实冇介绍错，鸡煲惹味，不太咸，而且辣味适中，鸡肉唔鞋。连平时比较咀刁o既友人都赞，仲话下一次可以挑选中辣。
生牛肉刺身：2-4人送一份。友人赞牛肉味浓。
火锅配料：以呢个价钱黎讲，选择都ok，又包o野饮。如果对肥牛有要求o既人，可能就要加钱点o靓d o既。两个人埋单$296。
收费应该系每人$148任食，难道冇加一亦冇加汤底同茶芥酱料钱？确系抵食
张贴
