正冬火鍋料理 (已結業)

年長老友話抵死，去左呢間打邊爐豬骨湯底，豬骨料夠，不过肉就不多，湯底味算濃，幾鲜甜，内雜菜配料夠。肥牛一般，肉味欠奉，色泽亦不夠光鲜餃子，無乜特别，一般皮厚涵少丸方面係一般街邊貨式，食得落肚，無乜要求下，三吾知己飮下酒，價錢還可。

好耐之前喜歡黎呢度食任食火鍋，一來食物質素ok，二來價錢正常，三來就腳。但自從年幾前食物質素下降就冇再黎。早兩日同朋友係灣仔六點幾做完野，行過挑起條筋，就入去食多次。一入門口，經理好殷勤，侍應手腳快，我地坐樓下圓檯。正當猶豫緊點咩湯底o既時候，經理推介"麻辣雞煲"，話廚師整得唔錯。先食雞煲，再打邊爐，最重要係經理話唔駛加錢，包埋係任食入面。友人見隔離檯點左，所以決定一試。麻辣雞煲：我地點左少辣。經理確實冇介紹錯，雞煲惹味，不太鹹，而且辣味適中，雞肉唔鞋。連平時比較咀刁o既友人都讚，仲話下一次可以挑選中辣。 生牛肉刺身：2-4人送一份。友人讚牛肉味濃。火鍋配料：以呢個價錢黎講，選擇都ok，又包o野飲。如果對肥牛有要求o既人，可能就要加錢點o靚d o既。兩個人埋單$296。收費應該係每人$148任食，難道冇加一亦冇加湯底同茶芥醬料錢？確係抵食

好耐之前同朋友來到呢度食既團購火鍋任食,價錢也忘記了,大約140蚊左右地方一般,環境也比較嘈,但呢個價錢,都算抵食既一開波送一些魚生類,味道一般,2樣都係熟既-O-但係送既無咩要求了通常任食都無既蝦呢度就有,新鮮,郁郁下,友人食了很多!蝦肉有彈性另外豬潤也不錯,鮮嫩味濃肥牛真係好肥,但係無咩肉味其他配料一般啦,一分錢一分貨,任食火鍋的水準不能強求

適逢中秋節，同事相約飲茶慶祝，地點由會計小姐同靚仔經理話事，去一家佢地幫襯開o既「正冬火鍋料理」，貪佢夠抵食wor ！「正冬」有兩層，樓下燈光較暗較逼人，樓上就光猛得多，感覺上亦寬敞舒適得多，最正就係有卡位坐、有電視睇，所以同事們每次黎都必定要坐樓上。「正冬」並非高級食肆，環境衛生尚算合格企理。伙計們個個年紀都唔細，樓面功夫多，忙碌得很，好在佢地做野夠爽手，效率高 。中秋當日，大家都預咗會多人，所以會計小姐一早就去排定隊，希望等到樓上嗰啲靚卡位；哈哈，靚女出碼，果然係冇令大家失望 ！由常客帶領，我地一行三人主攻特價點心同炒麵： 午市特價點心之蟹籽燒賣皇（$12.8）：大部份酒樓o既燒賣唔係大點就係特點，閒閒地賣到成四十幾五十蚊一籠，材料同味道好多時仲要係一般過一般，有啲直頭唔合格添 ！正冬真係可以稱得上為良心食肆，其午市燒賣以特價$12.8益街坊，每籠都係即叫即蒸，不但新鮮熱辣，而且美味可口，同事們都覺得超抵食 ！ 午市特價點心之山竹牛肉球（$9.8）：山竹牛肉球大大隻，熱辣辣，肉質完全唔硬，$9.8一籠真係大件夾抵食 ！ 午市特價點心之鮮菇雞包仔（$9.8）：雞包仔

今日同個朋友路經此地 , 見到收費都好似 ok 就入去試試 .$88 (平日收費) 任飲任食 $98 ( 星期五 , 六, 日收費 )開煱啦 order 咗個鴛鴦煱諗住叫 beer 點知任飲唔包 要另外 order 飲完一枝個伙計問要唔要多一瓶我地話等陣先 點知佢 "變臉大師 " 上身 ...開似剔配料 美國肥牛 及 雪花牛柳粒失望 , 真的是 " 肥 " 牛 雪花牛柳粒 沒有雪花紋其他材料不過不失過得去 見都差不多兩個鐘了 又開始多人便叫埋單 銀碼不是預期那樣 查查看 原來湯底唔包 任飲只包汽水 五花茶及金桔蜜都是另計表面的收費外還隱藏好多其他費用呢 ...

一早約左 baby 去克街食早餐原先想去華星但去到被呢間茶樓吸引左 坐低望下張點心紙發覺好平牙　不過唔知質素如何 >___<2 個人叫左 5 個點心鳳爪排骨飯 ( $4.8 )細細兜 1 個人份量 因為即叫即蒸 所以熱辣辣不過鳳爪同排骨都 1 般 排骨仲好肥 =="花枝炸雲吞 ( $5.8 )1 碟有 3 塊好好食 !!!! 新鮮炸 ~ 而且入面既花枝好大舊配埋甜酸汁 ... 正香煎蘿蔔糕 ( $8.8 )麻麻地 煎得唔夠香 林 pea pea 蜜汁叉燒包 ( $8.8 )1 籠有 3 個 不過比其他酒樓既細1 分錢 1 分貨嘛 ^^"不過都唔錯 唯獨入面 d 肉太多肥膏翡翠鮮蝦腸 ( $12.8 )得 2 條果咋 !!! 不過咁既價錢都可以接受腸粉加左翠肉瓜 食落有 d 特別既口感但蝦唔夠爽埋單 2 個人連茶錢 + 1 只需 $56雖然有 d 食物麻麻 但係接受範圍內而且價錢好抵 美中不足係茶樓入面有 d 迫 坐得有 d 唔舒服

朋友一行六人聚舊食下飯..見任食就試下....出晒事出野慢應該係任食火鍋既通病...但30分鐘都冇野上過就太過份... 不過我地唔算最慘...眼見人地order 完個火鍋, 野食來齊都未有爐開就真係大鑊...野食都係一般, 個雪花牛肉粒....真係未解凍...雪花係晒肉上面...之後d 講菜, 你點咩都俾個花盤....咩都有d...死未... 我要西洋菜叫幾次都冇....個八寶丸...蝦丸是壞的...其他都好一般...侍應服務真係麻麻...個阿姐俾晒面色你...叫人冇人應咁啦....之後我地俾完錢...個侍應拿左我地食左少少既花盤俾人地個枱...好環保...睇完我呢次驚歷...你去食....我祝福你...

這天約了兩位老友在灣仔飯聚，為食羅渣應約時路過這間正冬，見到店外的海報寫上八十八蚊任飲任食火鍋，便提議到這兒打邊爐，剛巧天氣又開始轉涼，各人見正冬的賣相不錯，大家都沒有異議。 當時店內客人不多，三個人可以坐一張中枱，枱間距離唔會太廹，新店的裝修又夠新淨，每張食枱枱面都裝了一個電磁爐，整體環境算幾好。 坐下後羅渣先挑了他的至愛皮蛋芫茜湯底，原來任食火鍋不包窩底，窩底包括清湯底由五十八元起計，我在餐單上剔了第一輪十多款窩料，侍應適即送上一渣酸梅湯，啤酒妹跟着上前推銷啤酒，這刻才知道所謂任飲的只是包括汽水、酸梅湯、夏枯草等非酒精類飲品，有性感啤酒妹推銷，連近年少喝酒的羅渣今天都喝杯啤酒，果然是酒不醉人人自醉，最後都飲了兩支大啤；但啤酒妹跟着借口為免枱面太擠，取去了免費飲料的水杯，雖然在商言商無可厚非，但以這種手法意圖做多些生意，實在不敢苟同。窩料的種類不少，一般的如美國肥牛、羊肉片、各式肉丸、包心丸、魚肉、海產、醉鷄、多類菇菌、雲吞、餃子、菜蔬、粉麵烏冬等都無缺，較不常見的有黑毛肚、魚唇、金錢肚等。 魚唇是魚翅接壤魚身的部位，跟魚翅同樣膠質及蛋白質豐富，拿來打邊爐真的很適合；黑毛肚不

十一國慶, 同個大陸厘朋友玩完成日晚飯唔知食嘜, 即時買咗本飲食男女OOO $88 任飲任食好吸引, 重送A4 和牛不過我就有D擔心食物質素入座時唔鍾意個窗口位自選咗另一張枱肥點知天花板漏水, 起碼3個 waiters 去幫手抺乾叫咗個鴛鴦鍋 – 即魚湯低 and 麻辣低 = $58 加錢重叫任食火鍋????重加咗其他A4 和牛 = 唔錯…..美味…. 和牛即係和牛!!!任叫咗美國肥牛…………Good ar羊肉...................... ..OK招牌四寶丸………一般牛柏葉…………….彈牙白肉螺片................一般牛柳粒…………….OK蟹柳………………一般脆鯇魚腩…………鮮鮮鮮脆鯇魚片…………鮮鮮鮮脆鯇魚雲…………鮮鮮鮮台灣鱔片…………個friend 唔食魚類都食 & 鮮鮮鮮醉蝦………………夠鮮美魚皮餃……………OK雜菜………………醒神$352 埋單…………OK　la。。。如果唔係。。。。$88 per one 都唔知食咩！！！

午市一行七人到二樓，部長和待應一向殷勤招呼，帶了上次送的蒸生蝦coupon。 先上的是其他地方少有的炸両，外面腸粉熱外，裡面的油炸鬼仲很脆，未及開机拍照也被消滅了大半。 贈食的蒸生蝦好快到，基圍蝦不是貴價野，勝在材料新鮮生猛，份量充足，鮮甜可口。 其他點心炒野也很快到，蝦餃一籠四隻(相片已吃了一隻)，水晶皮包著爽口蝦肉，超抵食。 鴛鴦炆米用鹹魚茸及茄子(相片已吃了1/3)，甚有風味。什菌燴伊麵(相片已吃了1/3)，健康美味。其他相顧住食，映唔到。 食到飽飽還有糖水送，這天真材實料，不太甜，比以往較稀的好得多，待應亞姐話唔夠食再送。 埋單七樣超平點心，另加兩碟炒粉麵，共$194，每人$28，實在過份。 這店子己光了幾次，除了平，一切滿意，未食過的推介荷葉飯及魚王炒飯。不要齋睇食評，百聞千閱不如一嚐。

好久沒有同屋企人飲茶，趁有空就出灣仔覓食啦！見到d野幾抵食一於去試下。點知去到冇人招呼，要自己周圍去搵位坐低好耐都冇人黎汁野，我見到有位職員企係度冇野做嫁囉！寫好點心紙又冇人黎收，要我自己企黎企去親自比個度d職員。野食就麻麻地啦。服務態度認真唔掂！冇人招呼不特至，員工又要冇禮貌，唔尊重客人，做事麻麻虎虎。仲亂up野話客人囉！！！去過呢次之後以後都唔會再去，我都唔會介紹朋友去個度食！

食過一次覺得ok~~但而家變左乜都無既餐廳! 88任飲任食?好難啦!!!!兩個人第二次食~一坐低~湯底都未揀, d個伙計就係咁sale鮑魚又sale唔知乜, 一個sell完第二個又黎~跟住諗住叫汽水, 但佢話今日遊行無汽水,得柑桔蜜(無味既!)心諗"你今日先知遊行呀??" 你日日入貨架??對面有超市唔識入住貨頂住先呀?? 都算!我地問佢拎多隻杯"針"茶~佢竟然話: 無!~咩事呀????咁大間野杯都無?隔離枱無人坐十幾廿隻杯咩黎架???都算!轉個頭佢拎左罐可樂比隔離枱~重有忌lim~~眼花呀??問個經理佢竟然話送既汽水無晒~果d要比$12蚊~咁我問佢平時送咩汽水?佢er左一輪話百事~雪碧~橙汁~我話:咁都得呀???可樂唔係汽水呀?係汽水都可以任飲架wor!你搵我笨呀?佢都廢事理你走左!再黎~佢送個牛柏葉好食叫多碟~又話無!!!點野食先睇倒假日加10蚊~中伏~再睇無蝦無毫無花支~茶錢~芥醬錢~咁都要百幾銀一個人~真係無下次!!!

午餐一直發掘一些平價店，這一家外賣算是平價的表表者，十三元一個飯，不要說是灣仔區，在那兒也會覺得抵吃，加上味道不差，份量不少，值得一試。第一次點了蒸雞飯，雞做得算是滑，也加送臘腸，送的份量不足夠太多的飯。飯就真是一般了，不知是不是我的蒸飯放了在底層，蒸得太久，太乾身的飯要不是有很多豉油中和一下，真的會胃痛。第二次再去，當然要講一講飯的問題吧。店子的回應是它的飯是爽，不是乾，腍身的蒸飯不好吃也。不過人人也要多色，就應該改善一下吧。今次再試，問題不如上次的大，可能我要了面層的蒸飯，多加了豉油是好了，雞和臘腸如上次一樣，份量也是一樣。其實附近真的有很多蒸飯，如榮華、十三座、金多寶，不算貴，但也要二十元左右，這家的確平通街。

同事睇到雜誌話有海鮮任食打邊爐..$88加埋湯底加埋1都係$110倒咪去試下..點知去到有條友係咁介紹湯底比我地..又話送包魚比我地食..雜誌又影晒D海鮮相出黎寫住$88任食...去到睇下張任食紙..蝦毛都無條食下..原來所有海鮮都係另計...咁都算啦..都入左去咪食囉!!我中意食辣咪問佢有無辣醬囉..點知佢話佢地無呢D野..得椒絲仲要$10..都算..成間舖得一個女waitress..仲要係最差服務個個..好似唔想做咁..大家食飽飽埋單啦..點知原來呢D又要$個D又要$..咩茶芥,醬油,同酸菜..加加埋埋每人淨係呢D都差唔多要$30..仲要原來佢話唔屎$個個湯底要成$138..真係搵笨呀!!!野食唔得..服務唔得...價$唔得...真係唔好去食..我都唔會再去食..

早前經過店外，看見十分旺場，加上又有報紙上的禮卷，免費送1條活魚刺身，於是上星期六決定一試。美國肥牛肉質一般，有太多肥肉，吃了幾片已很膩。牛柳粒及雞片劃了2次單也沒有，最後要特別與伙計要求才可。不過牛柳粒亦有很多肥肉，不吃也罷。反而雞片不錯，比牛肉好得多！總而言之，絕對比不上之前試過的德興或富臨！