八佰屋日本料理 (已結業)

搬出美孚已5年多，今晚专登同老婆驾车再美孚一游及晚饭，重温昔日情怀，拍左架车喺荔枝角公园停车场，一出黎见到这间八佰屋，就决定食呢间，我都有2年冇帮衬了，屈指一算，我相信这间小店已经起码廿多年。入到店内见佢地装修左，有点半新旧的感觉，但也不失其小店风情，坐下后同侍应倾谈中得知原来转左老板，但厨房师傅系旧班底，咁都放心d 。首先叫左个三文鱼腩刺身，虽然卖相唔系好靓，但新鲜程度及级数都有80分，之后再叫左老婆最爱的银鳕鱼同烧牛利，加多碟炒什菜，味道同我以前食过的差不多。帮我埋单个位原来系老细，都好友善，好健谈，倾落原来佢系呢度帮衬左成20年的熟客，系前年机缘巧合下顶了这店，班底同来货全部无变，今次俾我感觉唔错，虽然我搬左去港岛区，但我会再黎，希望佢可以保持到，支持小店。