影片
更多
2009-08-23
1 浏览
为庆祝妈妈生日, 加上之前用信用咭积分换咗 $300 怡东dinner voucher, 是日一行三人嚟咗呢度食buffet第一次嚟, 连加一要成四百几蚊一位, 所以对呢度都几有期望dinner buffet 由 6 点到 9 半, 我地 6 点半到buffet 包一杯果汁同一杯餐饮, 我要咗菠萝汁, 以地扪菠萝糖水.......是晚食得最多系生蚝, 因为好似比较容易回本生蚝有 3 款, 2 款系法国, 另一款系澳洲法国最好食, 其中一款好爽, 澳洲啲肉较散, 但整体而言啲蚝偏瘦同细只, 但总算由开场供应至散场, 质量较好的法国当然去得最快, last 一个钟只有澳洲供应3 个人吃了大约 40 多只, 其中有几只澳洲蚝已变味, 其实开蚝的师傅应注意才对......要挑剔是开蚝的两位师傅眼见法国蚝个盘已清, 但仍只开澳洲蚝 (当时澳洲蚝的盘仍半满)我喺佢地面前待咗一阵, 到我开口问法国蚝是否已经售罄才肯开, 个人认为两位师傅应懂得因应需求而开蚝冷盘方面, 三文鱼刺身好新鲜, 有鱼味, 而且切得好厚身, 好有口感, 但我唔敢食得太多, 废事食饱咗冇胃口试其他嘢吞拿鱼最把鬼, 完全冇鱼味沙津
第一次嚟, 连加一要成四百几蚊一位, 所以对呢度都几有期望
dinner buffet 由 6 点到 9 半, 我地 6 点半到
buffet 包一杯果汁同一杯餐饮, 我要咗菠萝汁, 以地扪菠萝糖水.......
是晚食得最多系生蚝, 因为好似比较容易回本
生蚝有 3 款, 2 款系法国, 另一款系澳洲
法国最好食, 其中一款好爽, 澳洲啲肉较散, 但整体而言啲蚝偏瘦同细只, 但总算由开场供应至散场, 质量较好的法国当然去得最快, last 一个钟只有澳洲供应
3 个人吃了大约 40 多只, 其中有几只澳洲蚝已变味, 其实开蚝的师傅应注意才对......
要挑剔是开蚝的两位师傅眼见法国蚝个盘已清, 但仍只开澳洲蚝 (当时澳洲蚝的盘仍半满)
我喺佢地面前待咗一阵, 到我开口问法国蚝是否已经售罄才肯开, 个人认为两位师傅应懂得因应需求而开蚝
冷盘方面, 三文鱼刺身好新鲜, 有鱼味, 而且切得好厚身, 好有口感, 但我唔敢食得太多, 废事食饱咗冇胃口试其他嘢
吞拿鱼最把鬼, 完全冇鱼味
沙津我冇掂过, 因为懒得捞, 但见到啲菜好新鲜, 酱汁选择亦多
另外仲有啲泰式沙津如木瓜沙津, 个卖相唔错
烟三文鱼ok, 烟生牛肉冇咩味
仲有一边好似系食越南嘢, 我试咗一件越南春光卷, 冻食的, 味道ok
另外仲有龙虾仔, 青口, 蟹脚, 翡翠螺, 虾, 其实几多选择
不过我试咗一只蟹脚, 系几有肉, 不过得个咸字
热盘都ok, 我比较喜欢羊鞍同日式焗鱼, 个鱼系牛油汁焗, 应该系鳕鱼之类, 好香好滑
烧牛肉只是一般, 味道唔觉特别出色, 个猪就开头好味啲, 因为有啲肥肉同筋
旧肉切到中间全部都系净肉, 比较干, 所以都冇再拎
烧鸡亦好好味, 个皮好脆, 义烧够肥
仲有其他热盘如炒青菜, 海鲜炒西兰花, 西兰花有点黄, 但味道ok
其实我几欣赏 "烚" 嘢食个档位, 即系煮下菜, 牛肉... 诸如此类𠮶个位
因为佢个汤系 "喇沙" 汤底嚟架! 几浓几好味, 多啲香草仲正, 好过用清汤
甜品选择中西式都有, 中有豆腐花, 比较特别系芝麻豆腐花, 另外仲有木瓜雪耳
西o既选择比较少, 可能因为我出得去迟
有芒果cheesecake, 几好味, 仲有朱古力同白朱古力喷泉
朱古力劲好味, 唔太甜, 朱古力味浓, 而且好 "杰", 点士多啤梨食好好味
白朱古力我冇试, 另外木槺布甸一般, 似炖蛋多啲......
我见到仲有即叫即整窝夫同pancake, 不过我冇试, 因为已经好饱.....
埋单连加一减咗 $300 cash voucher 要 $947
其实又唔算好贵, 间唔中豪一次都ok o既
张贴