冬蔭公公 (已結業)

天气太热。冇咩胃口。想揾啲酸野食。去开沙田。发现有冬荫公公。好怀念佢𠮶个够酸嘅冬荫公汤。叫左bb辣冬荫公檬粉+鸡丝+炸鱼腐。再+$5叫左杯冻柠茶。杯冻柠茶好大杯。用外卖胶杯装。可能方便啲人拎走。不过就唔太环保。柠茶啲茶冇乜茶味。4片柠檬都冇乜柠檬味。胜在佢够冻够大杯。冬荫公汤虽然好似冇以前咁浓。不过都仲系令人容易接受嘅冬荫公味。够酸够香又唔太刺激。bb辣就唔太食到辣味。鸡丝份量唔太多。略嫌有啲鞋。鱼腐有3粒。系细细粒偏硬实𠮶种。花生香脆冇油味。芽菜份量算多。呢个价钱为个汤系值嘅。不过配料质素可以提升会更好。