一寿司 (已結業)

一寿司对我黎讲系青春嘅回忆😂细个读书会以一寿司宵夜时段黎做倾功课时限，做完功课会几gp人一齐去丧食，半价寿司真系学生恩物，平靓正。😍话说朋友话我知六点竟然有得做半价！横掂唔知食咩不如揾下回忆😂。成七点去到，见门口有龙。但一话两位就直入，唔驶排。wow! -留意返，小食，其他，串烧及甜品冇半价㖞。-冇食咁耐，唔知水准变成点，唔会好似以前咁丧点😆😆😆。▶️三文鱼寿司▶️蟹棒寿司▶️火炙三文鱼寿司几乎烧熟哂块三文鱼。以上寿司讲好食算唔上，讲难食又唔系。旧饭都几细粒，比放题个种半只无名指饭团大少少咋。▶️火炙海胆蟹棒寿司我点嘅时候朋友极力反对，话试过系一寿司食过人生中最腥最难食嘅海胆军舰，唔准再点。但系好耐冇食过海胆啦，胆粗粗试一下呢款啦。其实都ok㖞，当然海胆唔系靓嘅，但都不过不失。▶️火龙卷熟嘅卷物唔错唔错。▶️火炙左口鱼边寿司成晚最好食呢个。入口就溶。▶️活赤贝刺身一只嗱嗱嗱，全晚伏王，腥到要讲粗口。😰😰😰故事教训你，一系要记得你点过哂咩唔黎要催单，一系记得要check单啊，圈住就系埋单个刻都未黎嘅😣。职员拎返张单走去check，返黎就连寿司一齐放系枱。▶️活海老同甜虾蟹棒寿司人地抹好咀谂住走架啦嘛😑。