影片
更多
2014-02-21
7336 浏览
对上一次嚟呢度开餐, 已经系年多前嘅事… 而对上一次食德国菜, 亦系上年嘅马仔酒店啤酒节… 男友心血来潮话想食德国猪手, 仲好有效率咁订埋枱~ 咁好服务, 我又点会拒绝佢吖 ( ´▽` )一坐低, 男友又好有效率咁点咗餐 ^^ 点餐后, 侍应随即送上免费嘅多士~刚食完一块多士, Butcher Platter 就登场 ^^ 呢个拼盘有三色 pâté (肉酱 -- 通常会搽喺面包或者饼干上面一齐食... 有啲似法式鹅肝酱 or 港式午餐肉), parma ham, salami, 德国肠, 腌酸瓜 & 生洋葱圈~ 啲 pâté 都几惹味, 搽面包一流! 腌酸瓜亦做得几好, 唔会太酸或太咸, 就咁食都几过瘾! 但其他火腿, 肠... 就好普通, 普通到唔知点形容...食完个拼盘, 主角 -- 猪手就出场喇 ^^ 上枱时已经切开咗几份, 方便食用, 够细心! 除咗猪手, 仲有酸菜, 薯蓉 & 芥辣伴碟~ 猪手啲皮烧得唔够火喉, 唔够脆, 颇韧... 好彩啲肉都好嫩, 咸咸哋又充满胶质!! 酸菜整得唔错, 唔会太酸或太咸, 洽到好处~ 但薯蓉就略嫌牛油 & 奶味太重... 芥辣酱几温和, 唔会
一坐低, 男友又好有效率咁点咗餐 ^^ 点餐后, 侍应随即送上免费嘅多士~
刚食完一块多士, Butcher Platter 就登场 ^^ 呢个拼盘有三色 pâté (肉酱 -- 通常会搽喺面包或者饼干上面一齐食... 有啲似法式鹅肝酱 or 港式午餐肉), parma ham, salami, 德国肠, 腌酸瓜 & 生洋葱圈~ 啲 pâté 都几惹味, 搽面包一流! 腌酸瓜亦做得几好, 唔会太酸或太咸, 就咁食都几过瘾! 但其他火腿, 肠... 就好普通, 普通到唔知点形容...
食完个拼盘, 主角 -- 猪手就出场喇 ^^ 上枱时已经切开咗几份, 方便食用, 够细心! 除咗猪手, 仲有酸菜, 薯蓉 & 芥辣伴碟~ 猪手啲皮烧得唔够火喉, 唔够脆, 颇韧... 好彩啲肉都好嫩, 咸咸哋又充满胶质!! 酸菜整得唔错, 唔会太酸或太咸, 洽到好处~ 但薯蓉就略嫌牛油 & 奶味太重... 芥辣酱几温和, 唔会太呛, 太攻鼻, 不错!!
我哋全餐晚饭, 总共点咗 1 x Tropical Mix, 2 x Kristall Schneider Weisse & 1 x Strawberry Daiquiris ^^ 先讲个 Tropical Mix, 内含芒果, 菠萝 & 香蕉, 好滑好顺喉, 好好饮; Kristall Schneider Weisse 嘅麦味比一般啤酒较重, 但整体都算清, 易入口; Strawberry Daiquiris 嘅外形好吸引, 而且士多啤梨嘅味道好真, 冇药水味, 正!
男友同我都觉得, 呢度嘅食物冇以前咁出色, 但饮品就依旧不错! 希望只系偶有失手, 并唔系真系差咗啦!!张贴
