茶木‧台式休閒餐廳 (大埔超級城C區)

营业中

休息中

今日很忙碌，忙到无时间同精力下厨，咁就买2个外卖做晚餐。都有一段时间无食茶木，听街坊说大埔呢间茶木服务麻麻，今日嚟到，又唔系好觉得，员工好客气同主动。台湾牛颊面系每次必食，牛颊炆得好淋，好入味，汤底浓郁，面条软硬适中，外卖盒嘅设计系食物同汤分开，所以拎到返屋企都影响不大。鸡翅面嘅鸡亦都唔错，几嫩滑，但唔知点解牛颊面有2条小棠菜，但鸡翅面就没有，2款面都系略嫌个面细咗少少，如果加返啲，又或者可以加钱加底就更加好。盐酥鸡是台湾非常受欢迎的小吃之一，茶木呢个都做得唔错，炸得金黄酥脆而且细细粒，一口一粒，好食。反而红油抽手麻麻地，太细粒，口感好似食红油云吞皮，顶多可以叫红油小云吞，馅料亦都冇乜特别，可能因为系搭配嘅小食。味道整体都系唔错的，外卖各项都要收钱，单是盒都收咗6蚊，为咗悭1蚊1套嘅餐具钱，餐具我自备。