北京老家 (已結業)

别致的装潢陈设，由墙身至装饰品，甚至一枱一櫈都富有浓厚京城风味，古色古香，真系眼球食先。坐底无几耐店员就送来一壶麦茶，味道十分清香。我哋点咗至爱嘅酸辣汤面及老家炒年糕。酸辣汤面热腾腾暖胃又暖身，汤料有肉丝、豆腐、冬笋、木耳丝、冬菇等，汤底醇厚，酸辣有至。每一口面都能挂汤，越食越开胃😛。老家炒年糕配料丰富，有青椒丝、红椒丝、荷兰豆、紫洋葱、肉丝。年糕烟烟韧韧，咬口十足不黏牙。呢道菜用咗豆豉、蒜头、辣椒炒成，食落好有层次，系惹味嘅香辣🌶，实在别有一番滋味。