東歐餐廳

同朋友去soho 揾食，突然谂起好耐冇帮衬呢间，一路依印象走，但揾唔到，终于开google map 带路，咦，点解去咗中环？一入餐厅，冇留意是位金发外国人，就自然用广东话问了「你哋系咪搬咗?」哈，未得切尴尬，那位外国美女就用纯正广东话回答「系呀，搬了6-7年啦」原来真系搬了。感觉呢度细过旧店，但光猛咗，而且喺寒冬下，人与人之间近咗，感觉暖咗。我哋2人点了一个传统汤 share, 磨菇，芝士牛脷，鹿肉同 mulled wine.汤好好味，尤其中间白色的(乳酪?)。磨菇配西多原来咁好味，开眼界了。芝士牛脷又系超赞，尤其系冬天，食完唔觉「漏」，回味。鹿肉...每个地方有佢特色煮法，我比较中意呢度同煮嘅蔬菜。mulled wine 的瓶好特别，有个睇唔到嘅孔，yea, 似花茶茶壸，但呢个瓶系冇斟位，我慢手慢脚斟时，倒泻了一些，嘥咗美酒。离开时才发现大堂有留言为乌克兰打气的墙，加上圣诞装饰别有一番味道。