影片
更多
2023-12-05
96 浏览
California Pizza Kitchen📍屯门屯顺街1号屯门市广场1期3楼3218号舖生活忙碌，要同朋友夹到时间食饭非一件易事。最近收到相识良久嘅中学同学将于年尾结婚嘅message，大家都好凳佢开心，于是就相约咗平日放工后嘅晚上食饭派帖。五个中学同学坐埋一台，边食边倾嘅时间过得好快，令一向相机食先嘅我都无影晒所有餐点。我好细个就已经有同屋企人去海运嘅California Pizza Kitchen食嘢，次数大概系每个月有一两次咁啦，印象最深刻嘅就系我哋呢啲小朋友去会有一个kid painting set，里面有蜡笔俾小朋友边食边填颜色，对于我呢啲钟意安静耍自闭嘅细路嚟讲简直就系恩物！事隔咁耐，估唔到今次会喺新界食到呢间久违多年冇食过嘅餐厅，唔知道佢哋而家仲有无提供呢啲painting sets俾小朋友呢？屯门分店装修同气氛都几好，远处可以望到入墙火炉烤pizza。唔肯定系唔系因为我哋呢晚去都算几多客人，所以侍应嘅服务唔算特别好。虽然谈不上系差，但感觉有少少赶收工嘅feel，多多少少也影响到整体用餐体验。 💰$112蒜香忌廉汁鸡肉阔面 🐓🍝我哋呢晚叫咗两个意粉，呢一道就系Cal
📍屯门屯顺街1号屯门市广场1期3楼3218号舖
生活忙碌，要同朋友夹到时间食饭非一件易事。最近收到相识良久嘅中学同学将于年尾结婚嘅message，大家都好凳佢开心，于是就相约咗平日放工后嘅晚上食饭派帖。五个中学同学坐埋一台，边食边倾嘅时间过得好快，令一向相机食先嘅我都无影晒所有餐点。
我好细个就已经有同屋企人去海运嘅California Pizza Kitchen食嘢，次数大概系每个月有一两次咁啦，印象最深刻嘅就系我哋呢啲小朋友去会有一个kid painting set，里面有蜡笔俾小朋友边食边填颜色，对于我呢啲钟意安静耍自闭嘅细路嚟讲简直就系恩物！
事隔咁耐，估唔到今次会喺新界食到呢间久违多年冇食过嘅餐厅，唔知道佢哋而家仲有无提供呢啲painting sets俾小朋友呢？屯门分店装修同气氛都几好，远处可以望到入墙火炉烤pizza。唔肯定系唔系因为我哋呢晚去都算几多客人，所以侍应嘅服务唔算特别好。虽然谈不上系差，但感觉有少少赶收工嘅feel，多多少少也影响到整体用餐体验。
[价钱 Price]
💰$112
蒜香忌廉汁鸡肉阔面 🐓🍝
我哋呢晚叫咗两个意粉，呢一道就系California Pizza Kitchen其中一款classic pasta。蒜香忌廉汁阔面系可以拣选唔同嘅toppings，我哋喺鸡肉、虾、同鸡肉虾当中拣咗价钱最平嘅鸡肉。
蒜香忌廉汁偏浓稠，蒜味唔算好出，但忌廉汁够香够滑，每一条阔面都可以沾上好幼滑浓香嘅忌廉汁，加埋Parmesan cheese去煮，啱晒我呢啲爱芝士人士。但佢嘅鸡肉就真系麻麻哋，因为肉质有啲嚡，唔算干柴，但无咩鸡味，感觉上净食蒜香忌廉汁阔面会更好食，可惜佢无呢个选项。
[价钱 Price]
💰$142
蒜香大虾意大利青瓜阔面 🦐🥒🍝
第二款嘅意粉系由于传统演变而成嘅新菜式，用上柠檬汁、香蒜同白酒烩意大利青瓜丝，之后再混入新鲜意大利芫荽、Parmesan cheese及阔面，一次过食到两种滋味。
朋友当初拣呢款意大利青瓜阔面嘅时候，我其实唔太想试，因为我以为佢全碟都系用青瓜当意粉，嚟到嘅时候先知原来系一半一半。大虾弹牙入味，贴心地剥咗大部分嘅虾壳，搭配大量嘅蒜头劲满足。青瓜丝顺滑易入口，清新感可以中和较heavy嘅阔面，令整个pasta dish变得更light。
[价钱 Price]
💰$129
烤蒜鸡肉薄饼 🐓🍕
我一直好喜欢California Pizza Kitchen嘅传统手拉pizza，佢嘅质感偏硬，带少少烟韧，用刀叉切会有少少吃力，用手拎住食会更方便食用。我自己最钟意佢哋嘅pizza crust，香香脆脆好似食饼干一样，但又唔会太干，而且有一定厚度，食完好有饱足感。不过亦有朋友钟意食佢哋嘅pizza，惟独不爱食个crust，所以话口味真系因人而异。
呢款口味嘅pizza ropings有香炒caramelised洋葱、新鲜Mozzarella cheese、Parmesan cheese、青葱同黑胡椒碎。呢度嘅鸡肉就有返肉汁，食落亦有鸡香味，加上两种芝士、两种葱类同黑椒加持，整体味道好好，绝对值得大家一试。
[价钱 Price]
💰$132
秘制鲜蘑菇辣肉肠薄饼 🍄🍕
重口味、爱食肉嘅朋友就更适合食呢款pepperoni pizza，因为佢有齐辣肉肠同意式香肠等不同肉类。除咗肉之外，佢仲加咗蘑菇、basil、oregano、Mozzarella cheese等等嘅配料，香味四溢，似足authentic Italian pizzas！
不过好食归好食，两款pizza食多过一块就已经觉得有啲油腻，所以都系建议大家多啲人一齐去食，少食多滋味就算啦！
张贴
