仁芝初

营业中

休息中

最近天气咁热，行行下街想食啲凉浸浸嘅甜品～ 喺食肆林立嘅女人街见到呢度零零舍舍有间手工中式糖水，咁就帮衬下呢间小店先🤭冻 芋茸莲子西米露 💰HK$30成碗糖水颜色系偏淡紫色，入面一粒粒白色嘅就系莲子，西米份量唔多，不过食落去啖啖都系芋茸，好香芋头味，口感非常之绵密得嚟又唔会太甜。仲有就系唔好睇佢好似好细碗，其实充满淀粉质，超饱肚😋冻 杨枝甘露 💰HK$42呢碗杨枝甘露都好足料，有大大芒果粒，又有红柚子果肉铺面，都系略嫌西米份量唔够多，整体夹埋一齐，酸酸甜甜好开胃，好有夏日嘅感觉。