臺坊 (加拿分道) (已結業)

疫情以黎，都少左出街食饭。难得去尖沙咀，又挂住台湾美食，就求其揾间台湾小店医肚。呢间店舖虽然细细，但总算坐得舒服。叫左碗招牌红烧牛肉面，提提大家，需要自行到cashier落单，直接俾埋钱。牛肉面一到，先呷一啖汤，好浓既红烧牛肉汤底，肥而不腻。牛腩同牛筋比例好好，牛筋唔会太淋，有咬口。牛腩够入味，肉质嫩滑。除左牛腩同牛筋，仲有红白萝卜，萝卜清甜，唔会太味精。大家去开尖沙咀，不妨试下，价钱合理，用心之作。