森戶 (官塘立成大廈) (已結業)

疫症之后冇得去旅行，真系成日都好挂住日本嘢食。今次就同同事嚟咗呢一间日本新餐厅试一试。就喺门口见到佢而家堂食同外卖都有八五折优惠，就俾佢吸引咗入去。店员仲有特登同我哋讲omakase森户第二位有半价优惠，我即刻双眼发光，虽然两个优惠只能二选一，精打细算嘅我都计过，无论边个优惠都真系平咗好多。我自己就叫咗个寿司拼盘。平时食寿司拼盘都预左好贵，但呢度既拼盘好平，唔使好贵就有12件，几抵食。种类方面都有唔少选择，我呢个就拣左9件刺身＋3件军舰。先讲下寿司饭：饭既温度岩岩好，食得出系师博岩岩握出黎既，而饭既口感亦适中，几有质素。而刺身方面种类亦好多，而且好足料，盖实哂寿司饭，食落充满油香。 另外都叫咗个刺身拼盘，刺身放得好靓，一放上枱已经忍唔住打卡，相机食先。刺身既种类除左有鱼，仲有虾、带子等等，好丰富。刺身既整体质素亦唔错，唔系雪到冻哂个款刺身，配埋wasabi食，刺激又好食。顺带一提，我特登问咗店员有冇得外卖， 因为限聚令同埋疫情，我自己呢排都买多咗外卖，好彩大部份嘅嘢食都有外卖，咁下次我就可以买返办公室同同事或者同屋企人食。