尚膳養顏滋補鍋

营业中

休息中

无得飞台湾真系好挂住台式火锅。虽然坊间有好多但唔系间间都好食。今日就嚟试吓尚膳。虽然大厦比较旧，但餐厅装修得好靓。我哋拣咗麻辣拼鱼云汤底。麻辣拣咗小辣真系唔系好辣，我都可以食到。鱼云汤就充满惊喜，除咗有成个鱼云，仲有只乌鸡脾，配上浓浓药财味，真系好正。自助点餐之后，去咗酱料区有三款前菜。个人喜欢枝豆。配料方面唔少得手切牛啦。餐牌有不同嘅牛配料，我拣咗牛骨髓，因为好少有。手工四宝丸各有特色，推介芝心牛丸点咗一份海虾，非常大只，嚟到嘅时候仲弹弹吓，好新鲜。菜就选咗豆苗，用提供嘅网篮嚟煮真系啱哂。饮品方面价钱合理，食完仲有生果送。满足又满意的一餐。