魚珈旨 (已搬遷) 新店位置

已不是第一次帮衬鱼珈旨，主力喜欢这里的寿司，因为佢地一星期都会番几次货，所以食材好新鲜，知道佢地系中环再誉归来，第一时间book定坐sushi bar靓位, 因为钟意那种由寿司师傅直接将寿司放在面前小盘子的感觉!我们跟师傅沟通后放心地由他们发板,( 因为唔系第一次, 知道系ok的!),佢地会给你当时得令的食物，上每度菜前都可以期待一番，都几得意。当晚最吸引有﹕萤光鱿鱼—虽然系细细只，不过好劲鱿鱼味、超鲜。池鱼寿司两款— 超新鲜&配一丁点梅子更带出池鱼鲜味。lama toro 刺身(唔知系咪咁写) —即指未经急冻的吞拿鱼，我地食o既近鱼较位的toro, 比o toro更肥美，如果系怕一口油o既朋友就会唔钟意! 不过佢o既味道比o toro更香、更浓，好难忘!油甘鱼刺身— 一字记之曰新鲜也! "鱼立"鱼天妇罗—肉质好滑、鲜甜，估唔到佢地炸天妇罗o既技术也不赖!虾寿司—唔记得系用乜野虾整，不过味道比牡丹虾更佳。其他食品﹕大粒蚕豆—春天的食材、枝豆以外的选择。煮蚬汤—味道ok, 只系有少少over cook, 肉质有丁点"un"。酱油吞拿鱼寿司— 不过不失，因为本人欢喜食比较肥o既toro。